生命, 想你望多一眼

樂樂, 不記得何時開始, 你肥肥的個子, 肚皮 “一節一節”, 手腳短短的舉起, 像仙人般坐著的睡姿, 老豆給你改了花名, 叫 “Hamsi 仙” (Hamsi : Hamster 的意思)

小路寶, 係一種有活力, 帶神經質, 好容易被嚇怕, 周圍躲避嘅倉鼠。 起初養你們嘅時侯, 你們常常打架, 又咬媽咪, 真係激死媽咪啦。 之後有一晚, 有一隻倉鼠女身邊吱吱聲的, 「怎麼了? 生了四隻?」正當倉鼠媽媽保護BB之際, 樂樂你仍然可以進出產房, 我便認定了你係BB嘅爸爸了。因為怕倉鼠媽媽產後太神經質, 又或者之後生產太多, 所以將你同老婆仔女分開養。後來又因為同其他倉鼠打架, 再分開你獨立一個住, 本來好惡好惡嘅你, 因為獨立養開, 慢慢開始靜了許多, 又或者係, 大個了, 生性了。

做左人 Daddy 嘅你, 乖了許多, 肥了許多, 樣子都傻了許多, 日子一天一天的過, 你已經認得, 每日給你美味食物嘅媽咪。每晚媽咪放工返到屋企, 你總會在籠嘅旁邊, 跳上跳下, 咯咯聲的用牙仔咬鐵籠, 期待著大大粒嘅乳酪粒。 ( 你最喜歡食乳酪粒, 每晚都要食一粒才安心, 所以你名字叫 樂樂 ) 沖涼嘅時候, 捉住你, 你都唔會咬媽咪, 乖乖的俾媽咪刷頭頭, 刷背背。 自己一個時, 又會在沙池裡碌黎碌去清潔身體, 碌碌下會在沙上睡著。

可愛嘅樂樂, 最喜歡休息嘅地方, 竟然係…… 轉轉和鐵籠之間嘅隙?! 像蜘蛛俠打橫的夾住, 出奇的 enjoy …… 可能係遺傳, 你仔女都好喜歡這麼睡!

平日跳跳札札的你, 昨晚回家發現你對食物冇晒胃口, 鼻子紅紅的, 很疲倦的睡,媽咪用手指摸了你頭頭幾下, 很乖, 沒有太大反應, 但似乎不沉常的乖 ……

今天早上, 媽咪又趕著返工, 出門前, 看見昨天的食物還未食, 身體熱熱的, 輕輕用手弄醒你, 你又很疲倦的, 只走到另外一角繼續睡, 心知大慨是病倒了…… 下午, 老豆 book 了醫生 (醫生兩日嘅booking 都很 full), 媽咪向公司請假, 要盡快帶你去睇醫生。

趕快的回到家裡, 從遠處望見你… 仍然睡在那個角落, 心裡一寒, 再仔細一看, 你很乖, 沒有動, 沒有再像平時一樣跳上跳下…… 媽咪又摸摸你, 還有微暖的身體, 睡著了……

「傻豬樂樂, 為什麼不等媽咪回來 ……」

「老豆, 請你打電話去 cancel 個 booking 吧 ……」